عصمت ڏاهري
عصمت ڏاهري
عصمت ڏاهري: مشھور سماج سڌارڪ ۽ شاعره عصمت ڏاهري 19 مارچ 1949ع تي لکنؤ ۾ محمد ايوب خان يوسف زئيءَ جي گهر ۾ جنم ورتو. سندس والدين 1954ع ڌاري لکنؤ مان لڏي نوابشاهه سنڌ ۾ اچي رهيا. هن پنھنجي تعليم نواب شاهه مان حاصل ڪئي. شاگرديءَ واري دور کان ئي تعليمي توڙي سماجي سرگرمين ۾ حصو ورتو. تعليم پوري ڪرڻ بعد نوابشاهه جي ڊاڪٽر محمد عمر ڏاهريءَ سان شادي ڪري عصمت ڏاهري لکڻ شروع ڪيو. هن سماج ۾ عورتن جي اڻ برابري وارين حالتن کي ڏسي انھن جي حقن لاءِ جاکوڙڻ شروع ڪيو. 1972ع ڌاري عورتن جي ڀلائي لاءِ ڪم ڪندڙ سماجي تنظيم ’پاڪستان وومين ائسوسيئيشن'>آل پاڪستان وومين ائسوسيئيشن‘ (اپوا) نوابشاهه جي ميمبر ٿي. ڪجهه عرصي بعد ان تنظيم جي جوائنٽ سيڪريٽري ۽ اڳتي هلي سيڪريٽري ۽ صدر به چونڊي وئي. ان کانسواءِ عورتن جي حقن لاءِ ڪم ڪندڙ ايجوڪيشنل ويلفيئر سوسائٽي، فيملي ويلفيئر ائسوسيئيشن ۽ ٻين ڪيترين ئي تنظيمن سان پڻ لاڳاپيل رهي. 1979ع ۾ نوابشاهه ميونسپل جي ميمبر پڻ رهي. پاڻ سماجي ڪارڪن هجڻ سان گڏ شاعره پڻ هئي. اردوءَ جي مشھور رسالن: اخبار جھان، امن، جنگ، انجام ۽ مشرق ۾ سندس شاعري ڇپيل آهي. سندس اردو توڙي سنڌي شاعريءَ جا ٻه مجموعا ”خواب ميري دھوان دھوان“ (1986ع) ۽ ”سر ملي نئي نئي“ (1994ع) پڻ شايع ٿيل آهن. کيس سماجي خدمتن عيوض سنڌ حڪومت طرفان ٻه ڀيرا گولڊ ميڊل پڻ مليا. 2 مارچ 2003ع تي وفات ڪئي. سندس تدفين نواب شاهه جي حاجي نصير قبرستان ۾ ٿي.
لفظ عصمت ڏاهريھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1949.03.19 عيسوي
مشھور سماج سڌارڪ ۽ شاعره عصمت ڏاهري 19 مارچ 1949ع تي لکنؤ ۾ محمد ايوب خان يوسف زئيءَ جي گهر ۾ جنم ورتو.
2003.03.02 عيسوي
عصمت ڏاهري 2 مارچ 2003ع تي وفات ڪئي. سندس تدفين نواب شاهه جي حاجي نصير قبرستان ۾ ٿي.
شخصيتون - ڀاڱي جون ٻِيون داخلائون
بانو محبوبحبيب الله صديقي ڊاڪٽر
اڪرم مڱڻهار
غلام عباس ڀنڀرو
ڄام ڏاتار (بزرگ)
رانجهو
ابن حوقل
پوپ
سنڌي ٻوليءَ تي تحقيق ڪندڙ عالم ۽ محقق
سيد معشوق علي شاهه دهلوي